Pesto

Pesto het sy oorsprong in Noord Italie, en het stelselmatig die wereld ingeneem, en uiteindelik op ons TV skerms, en toe op die tong kom beland.

‘n Volksvreemde heerlikheid.  Ek kan nie help om te wonder wat my oupa en oupa-grootjie van die groen smeersel sou gedink het as jy dit by die skaapboud, rys en aartappels bedien het nie!

Pesto is ‘n vreeslike maklike sous om te maak, en as jy eers begin eet het daaraan, stop jy nie voor die botteltjie met die vinger leeggemaak is nie!

Probeer self ‘n pesto vir jou pasta, of ‘n pesto vir jou bruchetta.  Moet dit nie te lank hou nie, vars is beter.

Gooi in ‘n vysel en stamper, of ‘n voedselverwerker, die volgende:

2 koppies vars basil blare

1/2 koppie olyf olie

2 huisies knoffel

2 dessertlepels dennepitte (ontpit natuurlik) of walnuts (die Afrikaanse naam ontgaan my vanoggend)

1/2 teelepel sout

1/2 koppie gerasperde parmesaankaas.  Ek sal sommer peccorino gebruik as die parmesaan te duur, of onverkrygbaar is.

Blits die bestanddele tot baie fyn en bedien.  Met die vysel en stamper gaan jy bietjie meer elbow grease doen, ek stel voor dat jy alles nie gelyk ingooi nie, en dit lekker fyn druk.

Geniet.

Vir die bangeres onder ons, kan jy pietersielie ook insit, net om die knoffel te stabiliseer, maar as jy VARS knoffel gebruik, is dit nie nodig om bang te wees nie!