RSS

Daai pastaslaai waaroor almal so gek is

15 Apr

My liewe antie Merie stuur vir my ‘n ton resepte per epos.  Ek moet dit deurkyk, en dan plaas na goeddunke.  Antie Merie is ‘n besige vrou, ek ook.  Maar soms kan ‘n ou maar ‘n tydjie opsy sit om reseppies deur te gaan – maak tog asb net seker jou maag is vol, want resepte lees, is soos shopping sonder brekvis onder die ribbes:  fataal!

Die Noedelslaai wat jy altyd by iemand anders eet en wens jy kon die leftovers huis toe vat…

Neem een pak (500g) skroef- of skulpnoedels en kook soos jy pasta sal kook.

Kap ‘n kleinerige ui baie fyn, en sny ‘n groenrissie (greenpepper) in pikante klein blokkies.  As jy ‘n oortuigde avonturier is, neem ‘n halwe huisie knoffel, maak dit so fyn dat jy nie dit kan identifiseer nie, en gooi by die ui en rissie – meng deur.

Gooi die pasta in ‘n glas of plastiek houer – nie metaal, chemiese reaksies sal plaasvind met die bestanddele, en die volgende oggend het jou voortande dalk uitgeval van proe aan die kos!

Gooi die rissie, ui, en knoffel by, en meng deur.

Neem, meet, en voeg bymekaar in ‘n aparte mengbakkie:  125ml asyn, 200ml witsuiker, 250ml tamatiesous, 125ml sonneblom olie, 25ml matige kerriepoeier, ‘n paar druppels Tobasco.

Meng deur tot die suiker nie meer ‘kirts’ onder in die mengbakkie nie, en giet oor die noedels.

Bedek met kleefplastiek, en luister nou mooi:  laat staan vir ten minste 24 uur.  En roer die slaai so ‘n keer of wat gedurende die wagtyd.

Val weg en eet jou eie slaai, en eet jou eie leftovers, en lek die bak met jou vinger uit.

O, Vernon Koekemoer sou chillies ingekap het.  Ek sou ook.  Sal jy?

About these ads
 
22 Kommentaar

Bygedra deur op April 15, 2008 in Lekker maklike kos

 

22 responses to “Daai pastaslaai waaroor almal so gek is

  1. boendoe

    April 15, 2008 at 2:16 nm

    Jy meen dis DAAI pastaslaai? Baie dankie!

     
  2. boendoe

    April 16, 2008 at 10:29 nm

    Ek moet dit net amptelik beken: DAAI pastaslaai is die beste ding wat ek nog op jou blog gekry het. Ek vreet my siek daaraan. (en 24 uur is nog nie verby nie)

     
  3. Skoor

    April 17, 2008 at 9:24 vm

    Vanaand maak jy die bone en pasta sop, en jou week is volmaak. Veral omdat jou hartjie so lam is – dit sal alles kickstart (mits jy chillies insit)

     
  4. Pluim

    Januarie 8, 2010 at 7:23 nm

    Dankie vir jou lekker resep. Ek het hom klaar gemaak en dit smaak lekker. Het hom nog nie laat staan nie.

     
  5. Skoor

    Januarie 11, 2010 at 3:54 nm

    Welkom Pluim! Teen die tyd is dit seker darem al op :lol:

     
  6. rene

    Februarie 17, 2010 at 8:58 vm

    baie dankie, slaai klink lekker – soek pasta/noedselslaai wat ek vir 120 atlete kan gee, dag voor deelname> Hoender
    stukkies byvoeg?

     
  7. Skoor

    Februarie 17, 2010 at 9:15 vm

    Ja, hoenderstukkies met baie witsous sal perfek werk.

    Jy kan selfs ertjies en spek ook ingooi – so ‘n knars soet tussen die hoender en pasta is altyd ‘n treffer.

    Maar hierdie slaai met hoenderstukkies in sal net so goed werk!

     
  8. Jennie

    Junie 23, 2011 at 12:19 nm

    Het die slaai eenmaal gemaak vir familie braai. Nou wip almal hulle as ek iets anders daar aanbring.

     
  9. Kotie

    September 24, 2011 at 7:02 nm

    Ag dankie tog my resep het voete na my dogter toe gekry en daar gelby!!!
    nou kan ek weer my slaai maak – maar is dit dan slaai?

     
  10. Skoor

    Oktober 14, 2011 at 11:53 vm

    Jennie, jy het ‘n president geskep – jy sal maar moet aanhou.

    Kotie, natuuuuurlik is dit slaai. Enigiets sonder skaapvleis, beesvleis of vark is slaai! :lol:

     
  11. Jenny

    November 22, 2011 at 3:29 nm

    Hi! Hoeveel mense kan hieraan eet? Ek moet vir 25 mense maak, so 3x aanmaak?

     
  12. Skoor

    Desember 20, 2011 at 2:23 nm

    Nee Jenny, ek het nie ‘n clue hoe groot eters jy voor moet kosmaak, en hoeveel ander kosse daar gaan wees nie. Maak een batch, en eye hom so voor jy besluit.

     
  13. Trudie

    Januarie 23, 2012 at 8:14 nm

    Ek wil die slaai maak vir ons personeel by die skool maar weet van ‘n hele paar wat nie groenrissie en knoffel eet nie! Sal dit die smaak beinvloed? Gaan hoenderstukkies en witsous byvoeg. Klink dit reg?

     
  14. Skoor

    Januarie 30, 2012 at 9:02 vm

    Nee los die hoender en witsous. Dis ok as jy die knoffel en groenrissie laat staan, die smaak gaan netnie so potent wees nie.

    Lekker kook!

     
  15. Adelle Van Wyk

    Februarie 8, 2012 at 12:01 nm

    Kan ek die slaai in ‘n bottel saamvat bos toe? yskasplek is maar min- moet darem ook ‘n paar koue biere inpak ;)

     
  16. Skoor

    Februarie 9, 2012 at 11:13 vm

    Natuurlik! En na so ‘n paar biere gaan jy nie worry as die slaai gis nie :lol:

    Geniet.

     
  17. Bianca

    April 24, 2012 at 11:09 vm

    heerlik!

     
  18. marinda

    Februarie 4, 2013 at 6:26 vm

    Eks mal oor kos maak en versamel resepte en d noedelslaai resep sal ek nie diep bere nie want ek gaan hom gereeld maak.

     
  19. Tersia

    Julie 4, 2013 at 3:32 nm

    Skoor die resep klink baie lekker, maar ek is onseker oor die metode om dit te bottel. Kan jy help met instruksies?

     
  20. Skoor

    Julie 5, 2013 at 8:46 vm

    Tersia, gesteriliseerde flesse is al wat jy benodig. Skep die slaai daarin, en eet wanneer die geit jou pak!

     
    • Belinda

      September 19, 2013 at 11:50 vm

      Skoor sê my whats up met die 24h storie. Is jy nou serious? Moet dit regtig rus vir 24 uur? Ek sali kan waggie!

       
  21. Skoor

    September 19, 2013 at 3:51 nm

    Belinda waaroor moun jy? Maak 2 batches en hou een vir 24uur en sien self of ek gejok het dat dit beter smaak!!!

     

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

 
Follow

Get every new post delivered to your Inbox.

Join 137 other followers

%d bloggers like this: