RSS

Broodjies vir as die kooklus op strike is

14 May

Ons probeer Skoorlief se jong seun betrek by kokery, met groot sukses.  Behalwe dat sy gunsteling maaksel, ‘sousies’ is.  Die lewe bestaan nie net uit sousies nie, so ons push die boundaries so bietjie.

Gisteraand was dit dus sy beurt om kos te maak, wat hy met oorgawe aangepak het!

Neem ‘n groot blik, of 2 klein blikkies tuna in water.  In water, want as ek ekstra olie wil inneem, doen ek dit via die olyfolie- of druiwepit oliebottel.  Nie die olie waarin die vis dryf nie!

Dreineer en skep uit in ‘n bakkie, en roer ‘n teelepel mrs. Balls by, asook ‘n groot lepel of twee van jou gunsteling mayo.  Kirts ‘n paar draaie swartpeper in, en meng deur.

Rooster 2 snye volgraanbrood per persoon, en sit op ‘n bakplaat.  Skep hompies tuna op elke broodjie, en sorg dat die hoekies ook tuna kry. 

My ouma het altyd gese as jy brood smeer en die botter kom tot teen die kante, jy ‘n goeie stiefma sal wees.  Nou toe nou, ek is nou nie regtig ‘n stiefma nie, maar ‘n ekstra ma wat stoutighede het om ‘n kind te leer, is meer in die kol…  en bietjie van kosmaak, hopelik.

Rasper, of sny kaas bo-oor die tuna, gevolg deur ‘n skeutjie paprika (dis net vir die grandgeit, niks essensiele waarde hier nie) en bietjie gedroogte oreganum.

Druk onder die oondrooster tot die kaas lekker gesmelt is, en sit voor met ‘n slaai en lekker warm koppie tee.

 
7 Kommentaar

Posted by op Mei 14, 2008 in Lekker maklike kos

 

7 responses to “Broodjies vir as die kooklus op strike is

  1. krista

    Mei 14, 2008 at 5:18 nm

    Oooooooohhhhhhhhh lekker!

     
  2. netjane

    Mei 15, 2008 at 8:47 nm

    Haai – dit was my aandete gisteraand, en ek het nie eers die resep kom steel nie!😉

     
  3. Pikkelik

    Mei 16, 2008 at 9:17 vm

    Dis een van my – daar’s nie tyd vir kos maak alles is te deurmekaar – gunstelinge!!!

     
  4. Skoor

    Mei 26, 2008 at 8:47 vm

    Jane, jy kan gerus ander broodjies wat jy met soveel oorgawe in die aand maak, se reseppies deurstuur dat ek dit plaas.

     
  5. Lizet

    Junie 23, 2008 at 4:54 nm

    MMMM dit klink lekker, ek gaan dit probeer. Jy het nie dalk nog lekker broodjie idees nie?

     
  6. Skoor

    Junie 23, 2008 at 5:03 nm

    Lizet, kom loer more weer – ek het gou met oom Peter Thomas gekontak.

    Hy gaan my ‘n link stuur na die broodjie resepte op sy webwerf, en dan sal ek dit vir jou hier sit.

    Daar is vreemde goed, maar as mens desperaat is, eet jy vreemd met ‘n bietjie chillisous oor. Lag-lag!

     
  7. Skoor

    Junie 23, 2008 at 5:06 nm

    Gouer as wat ek gedink het!

    http://peterjasie.co.za/resepte.html

    Cut en paste die link, en kliek op Wille Samies, onder-aan die lys. Dis sommer ‘n lekker webwerf vol snaaksighede en verassings.

     

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

 
%d bloggers like this: