RSS

Gevulde Butternut

13 May

butternutAs jy jou mede eters se ogies wil laat rek, sit ‘n halwe pampoen op hulle borde.  Dis al.  ‘n Halwe pampoen!

Maar stop hom met liefde, en sit hom voor met oortuiging.

Ek het nie tyd vir ure se gebak in ‘n oond nie.  En krag is anyway te duur.  Daarom halveer ek my butternut, verwyder die pitte en sommer bietjie van die nek se vlees, en sit dit in die Steam Supreme om gaar te stoom.

So tussen die stoom wat my bril toewasem en die gesels met die huismense, maak jy ‘n pakkie maalvleis gaar met die nodige uie, knoffel, sout, peper en kruie.  Soos wat jy enige mince gaarmaak.

As die butternut sag gestoom is, haal jy dit uit, en plaas dit in ‘n oondvaste bak.  Skep die maalvleis in die hol gedeelte van elke halwe pampoen en krummel feta daaroor.

butternut2Druk dit onder die oond se rooster (grill) en laat die feta ‘n kleurtjie kry.

Haal uit, sit op ‘n bord, skink wyn, en eet heerlik aan jou pampoen.

Jy kan kwart kersie tamaties by die maalvleis gooi die oomblik as jy die hitte onder die pot afsit.  Roer een maal deur, en laat die vleis se hitte die tamaties verwarm.  Blokkies feta, i.p.v gekrummel, maak dit ‘n dis vir die oog.

Die alternatief, as jy ‘n houtstoof het wat heeldag vuur in sy maag het, is om die pampoen in die oond te druk, tot dit heerlik sag is, dit dan te vul, en terug te druk vir die finale afronding.  Maar ek weet tyd is min, en houtstowe nie meer volop nie.

Bon Apetit!

 
2 Kommentaar

Posted by op Mei 13, 2009 in Lekker maklike kos

 

2 responses to “Gevulde Butternut

  1. BB

    Mei 13, 2009 at 2:16 nm

    Ok, in all honesty… ek en Helge het ‘n ‘history’ met butternut. Ek gaan nie uitwei daaroor nie, maar gebruik die woordjie “butternut” en Helge reply met: “Drakensberge” en “Lady Di” en rol daai oge hemelwaarts!🙄 – ek moet hom tog stuur om ‘n draai hier te kom maak!!:mrgreen:

     
  2. Skoor

    Mei 13, 2009 at 3:22 nm

    Miskien sal Helge dan die guts he om sy spiere hier te kom bult en vir ons te vertel wat hy met Lady Di in die Drakensberge aangevang het.

    Vra hom tog BeeBee!

     

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

 
%d bloggers like this: