RSS

Brie en Bessies

Ek eet met my oe.

En as ‘n bessie uitdagend op ‘n stuk kaas kom flirt, is ek sommer dadelik rasend van die honger!

Gryp ‘n brie of cammembert kaas uit die yskas – so ‘n uur voor jy die gevriesde bessies uit die vrieskas haal.

Die kaas moet so drup en loop en praat met jou spoegkliere as jy dit deursny.

Neem ‘n pan, en gooi ‘n handvol bessies per eter in.  ‘n Groot lepel heuning oor die bessies, en al wat kort is die hitte wat die bessies moet ontvries en deurwarm maak.

Skep die bessies bo-op die kaas, en bedien met koue borrel-wyn.  Voorgereg, nagereg, enige gereg.  Ek is nie hier om vir jou te vertel nie, ek stuur jou net in die regte rigting…

Die bessies sal jy vind in die winkel se vrieskaste – neffens die roomyse.  En as daar nie is nie, kan jy altyd jou stem dikmaak en aandring daarop.

 
6 Kommentaar

Posted by op Maart 29, 2010 in Lekker maklike kos, Skoor kook oor!

 

Beesvleis in die bakoond

Raait, my bakoond is 80% klaar, en ek kon nie ‘n dag langer as Saterdag wag om die eerste vuur te stook nie!

‘n Aartappel gereg (ala Skoorlief) en ‘n degie van Spar (jajaja) in bolletjies gerol (en vol fyn knoffel, hoe dan anders) was die eerste oefen geregte.

Gister was egter ‘n bees van ‘n ander smaak…  Ek het ‘n blok bees – daai ‘roast’ vleis wat jy in die winkel koop – in blokkies opgesny, en ‘n ontluikende jong man in die huis aangespoor om kulliner met die oggend te verkeer.  Die beesvleis blokkies, so 3cm grootte, is eers in meel gerol, en dan in ‘n emalje pot geseel en effe verbruin. 

Alles kan nie gelyktydig in die pot ingaan nie, daarom verg dit geduld en konsentrasie.  Veral as die warm olie in die pot jou al op die arms raps.  Om vleis te seel en te verbruin moet jy die bietjies-bietjies doen, anders begin dit kook ipv braai.

Wanneer al die vleis deurgewerk en gaarder as rou is, neem jy ‘n handvol piekel uitjies en gooi hulle in die pot.  Rol hulle rond sodat die buurt wonder of ‘n nuwe restaurant in die omgewing oopgemaak het.  Ons doen hierdie dinge sommer buite, so die buurt is gereeld aan’t wonder. 

Gooi ‘n halfbottel rooiwyn by die uitjies in die pot, en ‘deglaze’ die bodem van die pot.  Gooi die vleis terug by die wyn, en pak aartappels, seldery en wortels bo-op die vleis.  En vars knoffel.  Baie.

Indien jy ‘n bakoond het, druk jy die pot in die warm oond, en maak hom toe vir 3 ure.  Ek kon nie.  Ek het elke half-uur gaan loer.  Dis te lekker.  En te nuut om net so te los.  Na 3 ure neem jy ‘n pakkie tamatie pasta en laat dit in die sous drup.  Keer versigtig die inhoud om, sodat die groente ook sous kan kry.

Sout en peper na smaak.  Sit terug in die oond.  Nog ‘n uur.  Gooi 3 teelepels suiker oor, meng versigtig deur en bedien op basmatie rys.

As jy net ‘n oond met lektriek het – 180 grade celcius behoort te werk.

En enige ander groente.  Besluit wat jy wil proe.  En ertjies!

(Hierdie is spesifiek probeer met die Wosonki’s in gedagte – dis ‘n alternatief vir die ingilse potroast)

 
16 Kommentaar

Posted by op Februarie 1, 2010 in Skoor kook oor!

 

Rys. Warm of Koud. Slaai

‘n Ekstra koppie rys hoef nie drom toe te gaan as jy slim is nie!

Tommie het via egafrikaans.co.za vir my hierdie resep aangestuur.  Ek het hom probeer, en dis ‘n wenner.  Ek het knoffel ook fyngemaak en bygevoeg.  Wow, wat ‘n heerlikheid.

Kap 2 medium uie grof, en braai in olyf olie en botter tot sag en wanneer dit net-net begin verbruin, gooi ‘n teelepel paprika en ‘n half teelepel growwe sout by.  Haal van die hitte af.

Gooi 4 koppies GAAR basmatiese rys (of ander oorskiet rys, maar jy is crazy as jy nie basmatiese rys gebruik nie!) by die uie.

Sny 2 medium tamaties in blokkies en meng deur.  ‘n Handvol fyngekapte pietersielie en nog ‘n teelepel paprika, en jy kan terugsit en knuppelpens raak.

Bedien warm of koud.  Werk uitstekend met braaivleis.  En die volgende dag is dit even better!!

 
2 Kommentaar

Posted by op Januarie 12, 2010 in Lekker maklike kos

 

Maak yoghurt. Jou eie!

Jitte, as ek iets kry wat werk, is ek so in my noppies, ek slaap sommer sleg net om die resultaat in die oggend te kan gaan bekyk.

Ek het gisteraand yoghurt gemaak.  My eie.  En dit het wragtag gewerk!  Daarom dra ek die poging en resep op aan Muriel wat besluit het om ‘op te pak’.  Uit die bloute was sy soms die vrug wat die ongegeurde yoghurt van mense se lewens kom smaak gee het.  Reis veilig meisie.  Olie jou wiele.  Hou koers!

Die proses is verspot maklik.  Neem ‘n pot, gooi ‘n liter melk in, en gee sy bodem hitte.  Wanneer die eerste borreltjies wil vertel dat kookpunt naby is, sit jy vir pot eenkant.  Wanneer die melk afgekoel het tot kamertemperatuur, haal jy die melkvel met een vat af, en neem jy 3 skeppe ongegeurde yoghurt met lewendige A en B kulture, skep dit in ‘n bakkie, en skep ‘n paar skeppe van die afgekoelde melk daarby.

Meng dit lekker deur, en gooi dit terug in die melkpot.  Roer en meng die melk en yoghurt tot jy seker is dit is deurgewerk.

Nou…. gryp daai warmwatersak, maak dit vol warm water, en sit dit onder-in ‘n koelhouer, met die pot en sy deksel bo-op.  Rits die koelhouer toe.

As jy nie ‘n koelhouer het nie, stres niet.  Maak vir pot in ‘n ko’bersie toe.  Laat oornag so staan, in die oggend skep jy die yoghurt in jou yskas houer, en verkoel.

Dis vet pret!  Jy spaar geld, jy kan jou eie vrugte daarby insny, of dit net so oor jou muesli gooi.  En wanneer daar net 3 lepels vol oor is, herhaal jy die proses met daardie laaste yoghurt.

Cool, of hoe!

Ek het gisteraand vanilla pods saam met die melk gekook.  Dit is ‘n absolute agter-oor-slaan-lekkerte wat daar uitkom.  Komaan….spaar geld, eksperimenteer.  Jy leef net een keer!

Ciaobella Wipneus

 
10 Kommentaar

Posted by op November 19, 2009 in Lekker maklike kos

 

Potgrond Poeding!

Casper de Vries het ‘n paar jaar terug die SA publiek se aandag gevestig op stoute woorde wat in ons taal versteek is.  Een hiervan was die woord poespas.  Jip, asems is ingetrek, tantes het flou geval, en laerskool kinders het agter hulle handge gegiggel.  Poespas, of deurmekaarspul, is presies wat ek die volgende nagereg resep noem.  Maar ek wil nie so ver gaan om dit so te doop nie, en ons hou maar by die feit dat die Amerikaners dit ‘Potting Soil Dessert’ roep.  En ja, dit lyk soos potgrond, maar smaak soos stoutwees!oreo

Rasper 4 pakkies swart Oreo koekies – ek raak uitgerasper by die derde koekie, daarom help die vysel en stamper, of ‘n dik Ziplock en ‘n wynbottel om die koekies fyn te slaan.

Kry sommer die kinders om te help.  Genade, dis after all hulle wat gaan smul!

Meng 2 pakkies Vanilla kitspoeding met 4 koppies melk, en wanneer dit lekker deurgemeng is, voeg jy 2 bakkies gladde, ongegeurde maaskaas by, en meng dit ook goed deur.

Neem ‘n glasbak en bou lae:  koekies, kitspoeding mengsel, koekies en eindig met koekies.  Verkoel in die yskas, en val weg met mening!

 
8 Kommentaar

Posted by op Oktober 29, 2009 in Lekker maklike kos

 

Nood-leer-Bak Broodjie

Pikkie los die ander dag ‘n comment in die vorm van ‘n resep.  En met die nodige toestemming plaas ek dit vir die Sondagaand wat jy besef die skoolbrood wat jy Vrydag gekoop het, is muf, en daar is nie muffins om in die kosblikke te sit nie.

  • Skorie, ek moet jou vergas met my ‘Nood leer planne maak’ broodjie… Ook sommer so vir die mikrogolf

Bestanddele:
2 koppies bruismeel
2 desertlepels olie
corn2 eiers
2 eetlepels suiker
1 groot blik suikermielies
paprika

Metode:
1 Berei mikrogolf-broodpan (of sommer ‘n langwerpige glasbak) voor en sprinkel paprika teen kante en op bodem.
2 Meng bruismeel, olie, geklitste eiers en suiker.
3 Voeg suikermielies by.
4 Gooi in pan en sprinkel paprika bo-oor.
5 Mikrogolf 9 minute by defrost en 6 minute by Hi

 
14 Kommentaar

Posted by op Oktober 19, 2009 in Skoor kook oor!

 

Mikrogolf Koek

Ek is ‘n self-verklaarde nie-bakker.  Kook ja, potte en potte lekker kos.  Maar bak maak my senuweeagtig, en my spasie is te min vir afmetings, sif en knie.

Daarom verwelkom ek altyd maklike resepte wat dalk kon lyk asof dit tyd kon vat, en meet, sif en klits betrokke was.  En wat ek in my klein ko’buisie kan aanmekaarslaan.

Meng 1koppie meel, 1 koppe suiker, 2 eiers, 2 teelepels bakpoeier, 1 koppie kookwater, 3 eetlepels kakao, 1 eetlepel mayonnaise en ‘n 1/4 teelepel sout saam.micro

Gooi in ‘n mikro bak of mikro koekvorm, en bak op hoog vir 7-8 minute.

Versier soos jy daarvoor lus het, of dit nou bedek met ‘n dekandente gesmelte sjokolade sous is, of versiersuiker, onthou net om nie skaam te wees daarmee nie.

Let wel – as jy ‘n wit koek wil bak, vervang die kakao met maizena.

 
17 Kommentaar

Posted by op Oktober 6, 2009 in Skoor kook oor!

 

Vanaand se Resep

Vanaand MOET jy jou geliefde vat en uitgaan.

Omdat dit more Erfenis dag is. En ons het ‘n Erfenis van LIEF WEES VIR DIE EEN WAARVOOR ONS LIEF IS.

eetEk wil vir ‘n oomblik vergeet van egbreuk, mishandeling, teistering, seerkry. 

Gaan sit om ‘n bak prawns, of oorkant ‘n stuk tjoklitkoek, en vier die lewe.  Doop ‘n sushi in soya, of trek ‘n kreef se stert uit sy lyf.

Omdat dit ‘n voorreg is om te lewe.  En omdat dit ‘n voorreg is om te kan eet.

Geniet dit!

 
11 Kommentaar

Posted by op September 23, 2009 in Lekker maklike kos

 

Pistachio Fudge

pistachioNigella Lawson verskyn gelukkig nie te baie op my TV nie. Sy is nie goed vir die hart nie!

Maar noudie aand kom loer sy weer onder haar wimpers deur, met Kersversierings in die agtergrond (jip, ek se mos altyd die ingilse is nie lekker nie, en hier sien ek dit in September as ‘n feit) en sy konkok daar ‘n dekadensie wat ek net my eie MOES maak deur dit hier neer te sit vir anderdag se onthou…

Jare se dae terug, het ons mos net geweet van rys, vleis en aartappels.  Rou vis gedoop in soya sou bloomers se rekke laat skiet het, en coke met rooiwyn in was iets wat net die Transvalers geken het.  Dis nou nog so, alhoewel ‘n reuse klomp van bo, afgetrek het, met die vreemde konkoksie nie agtergelaat nie! 

‘Neute’ was amandels en salted coctail peanuts, en ‘n pistachio het jou laat rondkyk of iemand dalk gehoor het hoe lelik jy praat toe jy die woord probeer uiter het!  En ook net die ryk mense wat oorsee gereis het, sou daarvan in die huis he.

Nou kan jy ewe grend vir jou ‘n pistachio fudge aanmekaar slaan, mense vermaak met jou uitspraak, en beindruk met jou vermoens.  Jy moet net die regte bestanddele kry.fudge  Daar is niks soos om weg te breek van die ou resep fudge wat in elkgeval almal dieselfde proe nie!  Al seg mense watookal, fudge is fudge is fudge.  Maar NIE die ene nie…

Smelt 350g donkerder as donker, 70% ten minste, se sjokolade, saam met ‘n blikkie kondensmelk en 30g botter.  In ‘n swaarboom pan natuurlik, terwyl jy roer en jouself weerhou om met jou vinger in die warm vloeistof te karring!

Neem 150g UITGEDOPTE pistachio neute, gooi dit in ‘n sakkie, en kraak hulle met ‘n wynbottel of ‘n koekroller, sodat daar groot en klein stukkies rondspring.  Moenie dit in ‘n pulp voeter nie.

Sodra die sjokolade en botter lekker gesmelt is, roer die pistachio neute daarby in, en neem ‘n foelie houer van omtrent 23cm, spuit vinnig met spray and cook, en druk die mengsel styf en eweredig daarin vas.  Laat afkoel, en sit in die yskas om te stol.

Haal dit uit na ‘n uur of 7, en merk die blokkies wat jy verlang daarin af.  Buig die tinfoelie bak se kante om en dop die plak uit, en sny met ‘n skerp mes die afgemerkte blokkies deur.

Kyk hoe lank kan jy vashou aan jou voorraad…

 
10 Kommentaar

Posted by op September 8, 2009 in Lekker maklike kos

 

Dik sop teen die Winter se Byt

spiceLente is tradisioneel die tyd wat kieme heerlik kom nesmaak in mens en dier se lyf.  Daarom moet jy voedsame, kiemdodende geregte eet so met die seisoenswisseling saam.

Die medisinale voordele van baie kruie en sommige speserye word oral besing, en hierdie sop/bredie/chowder is geen uitsondering nie.

Wees effe avontuurlustig en pak die resep met ‘n klingel van oosterse klokkies om die enkels aan.

Neem ‘n koppie lensies, kyk goed deur vir klippies, en spoel af.  Gooi in ‘n pot, saam met 1/2 teelepel borrie en 1/2 teelepel seesout.  Gooi 3 koppies water by, en bring tot kookpunt. 

Ontvel ‘n groot tamatie, en sny fyn en gooi die helfde by die lensies.  Sny ‘n kwart groot butternut in blokkies, en voeg ook in die pot.  Sit die deksel op, draai die hitte na prut, en doen binne 30 minute die volgende:

butternutsopVerhit olie in ‘n pan en voeg by:  1 teelepel mostert saadjies, 1/2 teelepel komynsaadjies, 1/2 teelepel koljander saadjies (maak die komyn en koljander effe fyner in ‘n vysel en stamper), 1/4 teelepel chillievlokkies.

Wanneer die mostertsaadjies begin pop, voeg jy ‘n opgehoopte teelepel fyngemaakte vars gemmer, en ‘n opgehoopte teelepel fyngemaakte knoffel, asook ‘n medium ui, fyn gesny, by die speserye.  Roer aanmekaar oor laer hitte totdat die uie gaar is.dhania

Sny twee hande vol spinasie in repe, en gooi dit in die lensie en butternut pot.

lentilsKrap die spesery pan se inhoud in die pot uit, roer versigtig deur sodat die butternut nie opbreek nie.

Bedien met die res van die tamatie bo-op, asook vars koljander blare as jy jou hande daarop kan le!

Se nou net dit klink nie fantasties vir ‘n koue lyf nie…

 
3 Kommentaar

Posted by op Augustus 13, 2009 in Lekker maklike kos